الخميس، 31 أكتوبر، 2013

كلمات غيرتنى




فى بعض الكلمات الانسان بيسمعها او بيقرأها بتكون ليها تأثير عليه هكلم  هنا عن بعض الكلمات الى كانت ليها تأثير إجابى فعلاً عليه
----------------
الفرق بين الانسان الناجح وغيره ليس نقص القوة البدنية أو نقص المعلومات والخبرة، بل نقص الرغبة في النجاح 
فعلاً الرغبة من الحجات المهمه فى الحياة خلى رغبتك ان تكون انسان ناجح خلى رغبتك انك متبعدش عن ربنا خلى رغبتك انك لازم تعيش الحياة دى صح

------------
كل دقيقة تعيشها هي هدية، لذا أنفقها على الأشياء التي تستحق، لكن لا تنفقها في التفكير في الأشياء المحزنة. 
الكلمه دى بتفكرنى بحجات كتيره اوى ان مجال برمجة الويب دى او مدخلت فيه كان من 8 سنين كان اول موقع عملته فى حياتى بفضل كل شوية اقول يا ترى لو كنت كملت لو كنت مكسلتش مش كان زمانى دلوقتى محترف بدل مأنا لسه مبتدء بس خلاص الى فات نتعملم منه مش نعيط عليه


---------
كن دائما متفائلأ بالبحث عن الجانب المضيء في كل المواقف.
فعلاً احنا لازم نكون دايماً متفائلين و كل حاجة بتحصلنا خير ان شاء الله و ربنا بس هو الى عالم بالى
هيحصل بعد كدا برغم كل الظروف الى بتحصل حالياً فأنا متفائل جداً و ان شاء الله خير

---------

مفتاح النجاح أن تجعل أسلوبك في الحياة هو فعل ما تخشاه.
اوعه تخاف من الحجات الصعبه خلى دايماً تفكيرك انك هتحقق المستحيل و مفيش اى حاجة صعبه فى الدنيا ممكن توقفك
---------
لم يندم أحد على بذله لكل ما في وسعه، وما أكثر من ندموا على كسلهم.
مفيش انسان تعب و اجتهد ندم مفيش طالب ذاكر واجتهد و بعد كدا كان ندمان

دى بعض الكلمات الى غيرتنى فعلاً و ياريت تغيرك انت كمان خليك دايماً متفائل و مؤمن ان كل الى بيحصل من عند ربنا و ان كل الى ربنا بيجيبه خير


الأربعاء، 30 أكتوبر، 2013

تنزيل برنامج افاست انتى فيرس (avast) لاوبنتو

شرح ازاى تحمل برنامج افاست انتى فيرس لنظام التشغيل اوبنتو
هتكم النهارده عن موضوع رائع هو تنزيل برنامج افاست (avast) لاوبنتو

صورة من جهازى للبرنامج

معلومه انت مش محتاج للبرنامج عشان تحمى جهازك كل مافى الامر ان الفيروسات اصلاً من هتشغل على النظام اوبنتو لان اوبنتو نظام محمى بس انت لو منزلت انتى فيرس الفيروسات هتتنقل فى جهازك و بكدا لو شبكت فلاشة مثلاً فى جهاز عشان تنقل حاجة لمستخدم ويندوز الفيرس هيتنقله و بالتالى هتكون انت منبع فيروسات عشان كدا لازم تنزل البرنامج

لتحميل البرنامج
هنا
نختار صيغة deb
بعد ماينزل هيفتح من مركز البرامج تعمله install
و كدا تمام التنزيل
-------------
بعد ما تنزله هتقوم بالتسجيل هيبعتلك مفتاح التسحيل على الاميل الى انت سجلت بيه بعدين هضيفه فى البرنامج و بس كدا
التسجيل
البرنامج سهل فى الاستخدام و لو وجهتك اى مشكلة راسلنى

الاثنين، 28 أكتوبر، 2013

المصادر المفتوحة

هلخص هنا بعض الكلام عن عالم المصادر المفتوحة
المصادر المفتوحة بإختصار هى حرية الوصول الى شيفرات البرامج (كود البرنامج) و القيام بتعديل عليه بدون انتهاك حقوق الملكية الفكريه بمعنى ان انت ممكن تعدل اى برنامج و تضيف عليه التصميم الى انت عاوزه و تشيل منه او تضيف ليه امكانيات تانية و متكونتش كدا انتهكت اى من حقوق البرنامج بس البرامج لازم الاول تكون تحت رخصة البرمجيات الحرة
شروط البرمجيات الحرة حسب ريتشارد ستالمان (مؤسس البرمجيات الحرة)
1/حرية استعمال البرنامج لأي غرض.
2/حرية دراسة وتعديل البرنامج..
3/حرية نسخ البرنامج لتتمكن من مساعدة جارك أو صديقك
4/حرية تطوير البرنامج وتحسينه، وإصدار تحسيناتك وإظهارها للعالم.

شعار المصادر المفتوحة
مشروع جنو(GNU)
عبارة عن انشاء نظام تشغيل حر بالكامل اعلن ريتشارد ستالمان عن المشروع فى 1983
كان الهدف من المشروع نظام تشغيل حر يعتمد على البرمجيات الحرة حتى لا يطر المستخدم لإستخدام برمجيات غير حرة مشروع جنو تم تطويره بإستخدام نواة لينكس
شعار جنو

لينكس
نواة لينكس هي نواة نظام التشغيل جنو/لينكس، كتبها لينوس تورفالدز في أوائل التسعينات ثم أصدرها تحت الرخصة العمومية العامة (جي.بي.إل) ويعمل على تطويرها الآن فريق من المتطوعين من جميع أنحاء العالم.
شعار لينكس
تم انشاء الكثير من التوزيعات من لينكس مثل 

  • دبيان (Debian)
  • ريد هات إنتربرايس لينكس (RHEL)
  • أوبونتو (Ubuntu)
  • فيدورا (Fedora)
  • لينكس مينت (linux mint)
  • سلاكوير (Slackware)
  • اوبن سوزي (opensuse)
  • ماندريفا لينكس (Mandriva)
  • ارش لينكس (arch)
  • لينسباير (Linspire)
  • نوبكس (Knoppix)
  • جنتو (Gentoo)
  • بي سي لينكس أو إس (pclinuxos)
  • جي أو إس (gOS)
انت بردوه ممكن تعمل توزيعتك الخاصة بس لازم تتعلم بعض لغات البرمجة و بالإخص لغة C الى هى قلب نظام لينكس
دى كانت نظرة بسيطه عن عالم المصادر المفتوحة و هى مجرد مقدمة

الأحد، 27 أكتوبر، 2013

اوبنتو فى البيت غصباً عن الجميع

من ساعة منزلت اوبنتو و انا مخلى البيت كله يستخدمه و شغال معاهم تمام
 نت فيديوهات كتابة قرأءه كله تمام هى بس الحته بتاعت الالعاب الحديثة دى هى الى عمله مشكلة مع اخويه الصغيره عشان كدا ويندوز لسه فى الجهاز  بس اكيد المشكلة دى مش هطول و مش عشان الالعاب اشيل اجمد نظام اشتغلت عليه
انظام التشغيل المفتوحة المصدر ممكن ان احنا نستخدمها فى الشركات الحكومية و شركات خاصة كتير لان كل الشركات دى يإما بتسخدم الاوفيس الى هو فعلاً موجود فى اللينكس يإما الانترنت و الى هو عادى موجود و بالنسبه للبرمجيات الخاصة الى شركات بتكون محتاجة ممكن اى مبرمج يبرمج برامج تشغل حسب كل شىء ماهى عايزه و بالتالى نكون فتحنا شغل جديد للمبرجين و سوق عمل جديد للمصادر المفتوحة
انا هكتب عن أفكارى فى الموضوع دى فى تدوينه تانية

برنامج جيمب (GIMP)

برنامج جيب واحد من اشهر برامج تحرير الصور فى انظمة لينكس نزلت النهارده و اشتغلت عليه 
بس بردوه لسه مقدرش اقميه لانى مشتغلتش عليه الا شغل خفيف بس مستمر انا كدا حاسس ان انا ماشى صح كل البرامج الى عندى دلوقتى مجانية مبنزلش اى برامج من على النت و اقعد ادور على سريلات و الجو دى كله مجانى 

برنامج جيمب من جهازى

ممكن تنزل البرنامج من مركز البرامج فى اوبنتو

السبت، 26 أكتوبر، 2013

البرمجة بإستخدام bluefish editor

بدأت دلوقتى اول خطوه فى برمجة الويب
هستخدم برنامج بلوفيش حسب مقرأت عن البرنامج فهو برنامج كويس و حسب مستخدمته فى البديات عجبنى
البرنامج بيدعم العديد من لغات البرمجة  مثل
  • سي
  • كولدفيوشن
  • سي إس إس
  • إتش تي إم إل
  • جافا
  • جافاسكربت
  • جي إس بي
  • باسكال
  • بيرل
  • بي إتش بي
  • بايثون
  • إس كيو إل
  • إكس إتش تي إم إل
  • إكس إم إل



برمجة الويب هى اول الطريق لسه فى حجات جاية كتير

ممكن تنزل البرنامج من مركز البرامج فى اوبنتو

الجمعة، 25 أكتوبر، 2013

التحديث الى الاصدار 13.4

بسم الله الرحمن الرحيم


دلوقتى عمال شغال بحدث فى اوبنتو 12.10 الى الاصدار 13.4