السبت، 30 نوفمبر، 2013

المواطن المصرى و المواد المقرصنة

بسم الله الرحمن الرحيم



هتكلم هنا عن موضوع كبير جداً و هو المواد المقرصنة مثل الالعاب و البرامج و الافلام و كل ماله حقوق ملكية فكرية و تم رفعه على الانترنت لتحميله بالمجان أولاً ان هتكلم عن مصر لان  دى البلد الى انا عايش فيها مش هقدر اتكلم عن اى دوله عربية تانية لان انا معرفش ظروفهم ايه
النسبة الكبيرة جداً من مستخدمى الكمبيوتر فى مصر كل حاجة على الكمبيوتر  مواد مقرصنة بداية من الويندوز العاب افلام برامج كل حاجة عندة على الجهاز ملهوش حق ان هو ينزله بالمجان لانها ملك لشركات و العمليات دى بتخسر الشركات كتير جداً بس لما نشوف اسعار المنتجات دى و هل هى فعلاً ممكن المصريين يقدرو يشترو المنتجات دى اصلاً هنلاقى ان ننسخة الويندوز على لعبة و برنامج تمنها اغلى من الاجهزة الى مع النسبة الكبيرة من الناس فانا هنا هعرض بعض الاسعار لبعض المنتجات الاساسية هنشوف سعرها ازاى مرتفع جداً 

الاسعار هتكون من الشركة المنتجة لان لقيت تضراب جامد فى الاسعار فى المواقع العربية و ممكن تكون نسخ مسروقه بس عملنها فى اسطوانات و بيبعوها و فى فروقات فى الاسعار فى النسخ فى الويندوز مثلاً فى فرق فى الاسعار بين النسخة الهوم و البروفيشنال و هكذا
----------------------------------
 الويندوز
ويندوز 7 سعرة  بين 90  الى 179 دولار اى حوالى 600 الى 1200 جنية
ويندوز 8  سعرة بين سعرة تقريباً 90 دولار اى حوالى  600 جنية
ويندوز 8.1 سعرة بين 119 الى 199 دولار اى حوالى 800 الى 1300 جنية

------------------------------
 البرامج 
البرامج هنتكلم عن الاساسيات بس لان فى برامج كتيرة مجانية

اوفيس 
الافيس اصدارات كل سنة 2003 2007 لحد 2013
بس تقريباً كل الاصدارات بتتراوح بين 90 الى 225 دولار اى حوالى من 600 الى 1500 جنية
بالنسبة بردوه لبرامج الجرافيك 
سعرها يزيد عن 500 دولار للبرنامج
و فى برامج بردة الانتى فيرس الى بنطر نستخدم النسخ المجانية منها
-----------------------
 الالعاب
تتراوح الاسعار بين 30 الى 50 دولار للعبة الواحدة يعنى اكتر من 200 جنية للعبة الواحدة
------------------
الافلام
سعر الفيلم الواحد اكتر من 10 دولار يعنى 60 جنية للفيلم
------------------
بعد النظرة على الاسعار الرهيبة جداً جداً بالنسبة للمتسخدم المصرى
هنجمع اسعار شوية برامج على العاب على افلام و نشوف السعر
مثلاً جهاز به
 نسخة ويندوز7
نسخة اوفيس 
و هنفترض ان بقية البرامج مجانية
الالعاب منشرة بطريقة كبيرة جداً هنفترض ان كل واحد عنده 10 العاب انا عن نفسى عندى اكتر من 35 لعبة من اكتر الالعاب شعبية و نجاحاً
بعدين الافلام هنقول مثلاً 10 افلام 
هنحسب بقى الحسبة
انا حسبت الاسعار على اقل حاجة يعنى الويندوز النسخة الهوم و الاوفيس النسخة الهوم بردوه الالعاب حسبتها على اقل مقدار 30 دولار للعبة الافلام نفسى الحكاية 10 دولار للفيلم
هنطلع ما مقدارة 4000 جنية 
قيمة شوية حجات متجيش حاجة بالنسبة للكمية كبيرة جداً جداً من الناس انا بالنسبة ليه الحجات دى متجيش 20% من الحجات الى عندى على الجهاز
نبص بقى على اسعار الاجهزة 
هنقول مثلاً ان متوسط الاسعار اقل حاجة 1500 جنية للجهاز الواحد بما انى كنت شغال فى محل كمبيوتر و عارف متطلبات الناس
الجهاز دى ممكن يكون صحبة اقعد يحوشله اكتر من 6 شهور عشان يجيبة و فى الى قاعد سنة عشان يجيب جهاز 
تخيل كدا ان الحجات دى مكنتش متاحة على  النت للتنزيل يعنى كل واحد مطلوب منه اكتر من 4000 جنية عشان يجيب داتا للجهاز غير تمن الجهاز يعنى جهاز بالداتا اكتر من 5500 جنية اتخيل كدا ان انا مطلوب منى كل دا عشان اجيب كمبيوتر اساساً بالطريقة دى محدش هيفكر يجيب كمبيوتر هنلاقى دولة مفهاش 10 الف جهاز كمبيوتر 
المطلوب من الشركات انها تزبط الاسعار بالنسبة للدول الى زى حالتنا
لو جينا نبص على نسبة زيارة مواقع الدوانلود فى مصر حسب موقع اليكسا
هنلاقى موقع ماى ايجى فى المركز 17
عرب سيد 41
مزيكا تو دى 43
بالنسبة للعالم
موقع ذا برايت باى المركز 74
و نسبة الدوانلود بتزيد مع زيادة سرعة التحميل و برامج التورنت مخلتش من الصعب انك تحصل على اى حاجة 
ليه الشركات متزبط اسعار منتجتها و تسفيد من الناس دى بدل الداونلود الى بيتسبب فى خسائر كبيرة ليها بعدين يرفعوا دعاوى قضائية على المواقع زى موقع ميجا ابلود 
لو بصينا فى مصر نسبة الدخل الشهرى بين 800 الى 2500 جنية يعنى يدوبك يجيب كمبيوتر للعيال بعد تحويشة انا عن نفسى كل الحجات الى عندى من اول الويندوز لحد اخر برنامج منزلها من على النت مع انى بستخدم اوبنتو بس شغلى على الويندوز كتير بدردوه عندى اكتر من 35 لعبة من اكتر الالعاب النجحة الى لو جيت اشتريها سعرها مش هيقل عن 8000 جنية فانا عمرى ماهشترى نسخة ويندوز تمنها اكتر من 600 جنية و لا لعبة باكتر من 300 جنية ولا الكلام دى كفاية ان 3/4 الشعب واخد وصلات نت و انا منهم
و بس كدا
مقالة خفيفة عن المواد المقرصنة فى حياة مواطن مصرى
بالنسبة لشعار ذا برايت باى لان بحب الموقع دى جداً
بالنسبة لو فى اقتراحات او فى اخطاء فى الاسعار ياريت ترسلنى

0 التعليقات:

إرسال تعليق